عاوز تتعلم برمجه .. ؟

السلام عليكم ...
* جربت فى مره تقول لحد إنك عاوز تتعلم برمجه .. ؟ طب كان إيه رده عليك .. ؟

 
 في بعض الأكاذيب أكيد سمعتها من الناس اللي قولتلهم إنك عاوز تتعلم برمجه و بتمنعك من إنك تتعلم برمجة ...
======

 
* زي مثلا الكذبة الأولى :

 
_ إن البرمجة بتحتاج إنك لازم تكون ممتاز فالإنجليزي .. و طبعا دي معلومه غلط جدا لإن بيكفي إنك تكون عارف إنجليزي بسيط عشان تقدر تسمع فيديوهات أجنبيه و تتعلم منها.
 

* الكذبة الثانية :

 
_ إن البرمجة بتحتاج لذكاء قوي جدا .. و لكن الحقيقه كل اللي بتحتاجه تركيز و ترتيب أفكار و قليل من الذكاء عشان تعمل برنامج جديد و بسيط و قوي و مختلف عن باقي البرامج .
 

* الكذبة الثالثة :

 
_ إن البرمجة مش بتجيب فلوس .. و لكن طبعا البرمجة من أقوي مصادر الربح يعني مثلا لو جيت تشوف أغنى الأشخاص بالعالم هتلاقيهم مبرمجين زي : مالك شركه Microsoft أو شركه Google و غيرهم .
 

*أما الكذبه الرابعة :

 
_ إنك تكون ذكي بالرياضيات قبل البرمجة .. و لكن ده مش صح لإن يكفي بس إنك تكون فاهم الرياضيات عادي .

 
* الكذبة الخامسة :

 
_ إتعلم أكثر من لغة برمجه .. ده طبعا غلط جدا جدا كمان لإنك كده هتشتت إنتباهك و مش هتقدر توازن بينهم كلهم، فالأفضل إنك تركز فتعليم لغه واحده بس و تتقنها كويس.

وان شاء الله الموضوع القادم هيكون بعض من الكورسات والمواقع المجانية الي ممكن تتعلم برمجة من خلالهم عشان تعرف قد ايه الموضوع سهل وممتع بس ده لو انت عاوز تتعلم فعلا...