إيلون ماسك مالك و مؤسس شركة Spacex المهتمة بعلوم الفضاء بيحلم يخلي كوكب الأرض كله مغطى بالإنترنت.. السريع.. الرخيص.. اللي مبيقطعش..
عشان تبطل خناقات مع ماما و أخواتك اللي ساحبين منك النت عشان بيشوفوا مسلسلات رمضان على يوتيوب و عشان لما تموت في بابجي و تضيع فريقك متقولش اللاااااااج يا جدعان يخربيت اللاج و انت أصلاً مبتعرفش تلعب..
اي حد عنده مشكلة في النت.. ايلون هيحلهاله 🖤
طب ايلون هيعمل دا ازاي؟
ايلون و شركته المبهرة عندهم مهمة اسمها Starlink غرضها إطلاق 12000 قمر صناعي حول الكرة الأرضية عشان يغطوها كلها بالإنترنت.. ولا كابل بحري يقطع بقى ولا حد يقولك طفي الراوتر و شغله تاني.. شغل عالي
طب سعره عالي الكلام دا؟
تخيل يا أخي إن أقل باقة عند ايلون سرعتها حوالي 10000 ميجا و بسعة تحميل 1000 جيجا؟
انت شوفت الرقم اللي جنبه اصفار كتير هناك دا؟
ايلون ناوي يطلق في 2019 حوالي 4000 قمر يجرب بيهم الحكاية.. و أول 60 كانو هيطيروا للفضاء النهاردة من نص ساعة.. بس للأسف الرياح عملت عمايلها بوظت الموضوع
لسة في امل و الموضوع مباظش أوي..
شركة spacex هتجرب تاني بكرة لو الرياح هديت و تقدر تتفرج على الإطلاق من هنا
إرسال تعليق